Ndal! - Ekspeditës së Amfillohijes në Shas! - Bota Sot
Ndal! - Ekspeditës së Amfillohijes në Shas!

Opinione

E enjte, 20 shtator 2018

Ndal! - Ekspeditës së Amfillohijes në Shas!

Nga: Mehmet Bardhi Më: 8 korrik 2018 Në ora: 08:11
Mehmet Bardhi

Lajmi në mjetet e komunikimit publik elektronik,  se Kisha pravosllave Serbe, të dielën në orën 9:00, në mënyrë të organizuar do të zbarkojë në një “ekspeditë kishtare…” (!?) në Shasin e lashtë, ku mitropoliti Amfillohije do të ketë fjalën kryesore,  shqetësoi shumë edhe anëtarët e LD në MZ-së, e posaçërisht banorët e kësaj treve të qetë, paqëdashëse e mikëpritëse, të lashtë iliro shqiptare, po edhe mbarë paqëdashësit e liridashësit, sidomos kur e dime mirëfilli aktivitetin e kësaj Kishe dhe të udhëheqësit të saj, e cila dhe i cili, sidomos pas vitit 1989, janë të njohur për sulme në forma të ndryshme, ndaj monumenteve kulturo historike tonat dhe  provokimeve ndaj treva shqiptare, me qëllim përvetësimit të tyre, duke u munduar me falsitetin e tyre të vrazhdtë, arrogant e agresiv të thonë se këto ishin dhe janë monumentet kulturo-historike të tyre dhe se këto troje u përkasin atyre!

Këtë e kanë dëshmuar dhe provuar ne veprat e tyre, fjalimet e tyre plot mllef e urrejtje me qëllime ekspanzioniste antishqiptare, me ekspedita te Kisha e Krajës, në Guci etj. që me okupimin e ishujve në liqenin e Shkodrës, kishës në Guci, majës së malit të Rumisë – me “godinën” maketë prej hekuri në formë kishe, e cila fluturoi me helikopterët e ushtrisë serbo-malazeze, ekspeditës në Tarabosh e tash “...e paskan vu në rend të tentimit për përvetësim, e çdo herë  në petkun e mantijat pravosllave “ edhe të qytetin e lashtë të Shasit!

Prandaj, të shqetësuar për pasojat, me anë të kësaj komunikate u drejtohemi organeve kompetente shtetërore që të parandalojnë këtë “fushatë serbo-pravosllave” në Shasin e lashtë mijëvjeçar.

Ne, këtë ardhje, të paftesë, në pronat komunale tona e konsiderojmë si një prej provokimeve më të mëdha  që po u bëhet banorëve dhe  trojeve tona të qeta.

Shpresojmë se kompetentët shtetërorë do të jenë në nivelin e obligimeve ligjore dhe do të respektojnë, ose së paku kanë obligim të respektojnë realitetin, të vërtetën. Liturgjitë fetare mbahen në faltoret përkatëse e asesi në hapësirat e monumenteve kulturp-historike, siç është edhe qyteti i vjetër iliro-shqiptar – SHASI.

Komentet
comments powered by Disqus
Sot mund të lexoni Shfletoni kopertinat
Sondazh
test