Kryeprokurori i Prokurorisë Themelore të Pejës, Agim Kurmehaj në vazhdën e takimeve të ndryshme javore, ditën e premte nga ora 13:00 – 15:00, e ka të caktuar për takime me qytetarë në zyrën e tij, për të gjitha palët e interesuara.
Prokuroria njofton se interesimi i qytetarëve për tu takuar me Kryeprokurorin deri më tani ka qenë i kënaqshëm. “Prokuroria Themelore e Pejës, mbetet e hapur për të gjithë qytetarët dhe e përkushtuar në luftimin e kriminalitetit, ngritje të efikasitetit, transparencës dhe llogaridhënies”, thuhet në njoftimin e Prokurorisë.