Sot me 30.05.2016 bëhen 2 vite qe ti s’gjendesh ne mesin tonë. Shumë vështirë qenka të shkruhet përkujtimi për ty, ashtu siç është vështire të pajtohemi me mungesën tënde.
I zbrazët është vendi yt por kudo është e pranishme fjala dhe puna jote. Na mungojnë fjalët e tua të ëmbla dhe të urta me të cilat dite të na edukosh dhe mësosh si ishte më së miri!
Puna, vepra dhe fjalët e tua do të mbesin gjithmonë udhërrëfyes për ne dhe gjithë ata njerëz që të njohën.
Ike shpejt dhe çdo gjë mbeti i zbehtë pa praninë dhe buzëqeshjen tënde. Kujtimi dhe malli për ty nuk shuhet kurrë. Ti do të jesh gjithmonë i pranishëm në zemrat tona.
Jemi krenarë që të patëm dhe të kujtojmë me respekt e mall:
Bashkëshortja Gjyla me djalin e madh Prenin dhe familjen nga Zvicra dhe Kosova.
