Nuk qenka lehtë të shkruash një përkujtim për personin tonë më të dashur. Një vit pa ty na u kthye në shekull e mungesën tënde s`do ta shlyej asnjëherë koha.
Kujtojmë me lot buzëqeshjen tënde, plot ëmbëlsi, kujtojmë përqafimet tua të ngrohta që fatkeqësisht e shtojnë të ftohtit në janar.
Zbrazëtinë tënde nuk e plotëson asgjë, por zoti të deshi më shumë, të mori afër vetes, të ngriti në qiell, aty ku e ke vendin, sepse engjëjt nuk jetojnë në tokë.
Por, mos mendo se ke vdekur, njerëzit vdesin vetëm kur harrohen, e kujtimi për të është i përjetshëm.
Presim ditën kur zoti të na takoj në përjetësi.
Të përkujtojnë me mall bashkëshortja Shukrija, djemtë Nazmiu, Bekimi, Arbeni, Gazmendi, Armendi; vajzat, Myrveti e Luljeta dhe e gjithë familja Sheholli nga Podujeva e Diaspora.
