Sot, më 1.08.2017 bëhen 2 vite nga ndarja fizike e më të dashurit tonë
Bashkëshort dhe Baba i dashur,Vilson, po bëhen dy vite nga ndarja jote fizike , mirëpo ne assesi nuk mund të besojmë se nuk gjendesh më në mesin tonë.
Unë , bashkëshortja jote , Antoneta dhe dy fëmijët e tua , Gjuliana e Gjastini , nuk mund ta pranojmë fatin e hidhur se nuk të kemi pranë , me atë dashurinë tënde të
zjarrtë , buzëqeshjet tuaja të ëmbla,ngrohtësinë tënde të thellë..
Ikja jote në botën e amshueshme në mendjen dhe zemrat tona ka shkaktruar një zbrazëtirë të humnershme dhe të pafund.Ishe një bashkëshort , dhe prind tepër i dashur dhe i përkushtuar.
Sot , në vend që të shënojmë përvjetorin tënd të 40-vjetorit të lindjes sate , duhet të shkruajmë këtë përkujtim për Ty, më i çmueshmi ynë.Këtë përkujtim që si vullkan buron nga ama e shpirtin të më të dashurve të tu,që shpalosi vuajtjet,mallin dhe dhimbjen për mungesën tënde.
Bashkëshort dhe Baba i dashur , i shtrenjti Vilson ,
MALLI DHE DHIMBJA PËR TY , nuk maten dot me asgjë në këtë botë.
Këtë mallë dhe këtë dhimbje të padurueshme , nuk e shuan as magjia e fjalës , as zjarri i shpirtit,as krenaria që të patëm kaq dinjitoz , as vepra jote jetësore plot dëlirësi,as dashuria njerëzore që gjatë gjithë jetës na e dhurove . Ndaj , i përjetshëm dhe i freskët do të mbetet kujtimi për Ty , përgjithmonë.
Në jetë obligimin ndaj nesh e ke kryer me dinjitetin më të lartë.
Virtytet e tua , fjalët dhe mesazhet që na i ke lënë do të reflektojnë dritë.
Me mallë të pashuar të përkujtojnë: Bashkëshortja Antonete Duhanaj - Heqimi , vajza Gjuliana dhe djali Gjastini nga Zvicrra.
