Në Ballkan pritet të kemi tre kryeministra shqiptar. Edhe në Mal të Zi pritet që të emërohet kryeministër shqiptar Dritan Abazoviçi.
Presidenti i Malit të Zi, Milo Gjukanoviq, e ka mandatuar Dritan Abazoviçin - liderin e Lëvizjes Qytetare URA, ish-zëvendëskryeministër, për formimin e Qeverisë së 43-të të Malit të Zi.
URA dhe lideri i saj, Dritan Abazoviq, po kërkojnë formimin e një qeverie të pakicës, e cila do ta përfshijë, përveç URA-s, partitë kombëtare të pakicave të shqiptarëve dhe boshnjakëve dhe SNP-në pro-serbe. Mbështetje në Parlament pritet të marrin edhe nga partia e Gjukanoviqit edhe dy partitë tjera socialdemokrate.
Për një propozim të tillë, Abazoviçi ka marrë mbështetje edhe nga elitat politike shqiptare.
A ka shanse, që edhe në Maqedoni të ketë një kryeministër shqiptar, ku besohet se rreth 40% e popullsisë rezidente janë shqiptarë, pa numëruar edhe shqiptarët ortodoks, të cilëve iu është mohuar identiteti shqiptar, si dhe pa numëruar dallimin që mund ta bëjë diaspora shqiptare?
Në Ballkan pritet të kemi tre kryeministra shqiptar. Edhe në Mal të Zi pritet që të emërohet kryeministër shqiptar Dritan Abazoviçi.
Presidenti i Malit të Zi, Milo Gjukanoviq, e ka mandatuar Dritan Abazoviçin - liderin e Lëvizjes Qytetare URA, ish-zëvendëskryeministër, për formimin e Qeverisë së 43-të të Malit të Zi.
URA dhe lideri i saj, Dritan Abazoviq, po kërkojnë formimin e një qeverie të pakicës, e cila do ta përfshijë, përveç URA-s, partitë kombëtare të pakicave të shqiptarëve dhe boshnjakëve dhe SNP-në pro-serbe. Mbështetje në Parlament pritet të marrin edhe nga partia e Gjukanoviqit edhe dy partitë tjera socialdemokrate.
Për një propozim të tillë, Abazoviçi ka marrë mbështetje edhe nga elitat politike shqiptare.
A ka shanse, që edhe në Maqedoni të ketë një kryeministër shqiptar, ku besohet se rreth 40% e popullsisë rezidente janë shqiptarë, pa numëruar edhe shqiptarët ortodoks, të cilëve iu është mohuar identiteti shqiptar, si dhe pa numëruar dallimin që mund ta bëjë diaspora shqiptare?
Po, pse atëherë në Maqedoni nuk ka as përpjekje nga shqiptarët, që të ketë një kryeministër shqiptar?
Analistët vlerësojnë se edhe pse shumica e partive janë shqiptare, atje nuk po bashkohen për një qëllim të tillë.
Mehazi: Abazoviçi, profesionalist i vërtetë, di të manovrojë e të bëjë lojëra të shkëlqyeshme
Profesori Sulejman Mehazi në një përgjigje për “Bota sot” thotë se kryeministrat shqiptarë të tre shteteve të Ballkanit Perëndimor, të cilët u takuan në Forumin e Diplomacisë të mbajtur në Antali kryeministri i Shqipërisë, Edi Rama, ai i Kosovës, Albin Kurti së bashku me presidenten Vjosa Osmani dhe kryeministrin shqiptar të Malit të Zi, Dritan Abazoviçin, i kanë bërë shqiptarët të ndihen më krenar.
Por, logjikshëm shtrohet pyetja, pse qeverinë e Malit të Zi e udhëheq Dritan Abazoviçi me më pak se 10%, shqiptarë, kurse BDI-ja me njëzet vjet qeverisje e me afër 40% shqiptarë përveç ministrave nuk ka mund të fitonte kryeministrin e vetë në RMV?
“Për së pari herë gjatë historisë politike e diplomatike shqiptarët janë ndier krenar në Forumin e Diplomacisë mbajtur në Antali të Turqisë ku kryeministrat shqiptarë të tre shteteve të Ballkanit Perëndimor u takuan tog: kryeministri i Shqipërisë, Edi Rama, kryeministri i Kosovës, Albin Kurti së bashku me presidenten Vjosa Osmanin dhe kryeministri shqiptar i Malit të Zi, Dritan Abazoviçin, sikur edhe nga Maqedonia Veriore e Ali Ahmeti të dilte ndonjë kryeministër shqiptar do ishte mrekullia më e madhe e shqiptarëve në Ballkan. Nëse bëjmë një pyetje se pse qeverinë e Malit të Zi e udhëheq Dritan Abazoviçi me më pak se 10%, shqiptarë, kurse BDI-ja me njëzet vjet qeverisje e me afër 40% shqiptarë përveç ministrave nuk ka mund të fitonte kryeministrin e vetë në RMV? Shkaku se Dritan Abazoviçi është i lindur politikan, profesionalist i vërtetë e di të manovrojë e të bëjë lojëra të shkëlqyeshme politike me të dy palët e forta kundërshtare të partive malaziase e serbe”, thotë ai.
Sipas tij, Abazoviçi është politikan i spikatur sepse di të manipulojë e të kushtëzojë dy partitë e mëdha malaziase e serbe për të fituar vetë postin e kryeministrit, derisa Ali Ahmetit të BDI-së në Maqedoni, i mungon kjo aftësi politike për të bërë këso lojëra koalicionuese me partitë më të mëdha politike maqedonase.
"Për kryeministër shqiptar"
Ai shton, se në zgjedhjet e fundit Ali Ahmeti lëshoi pe duke mos e kushtëzuar LSDM-në me kryeministër shqiptar.
“Abazoviçi me katër deputetët e tij në parlamentin e Malit të Zi dinte të manipulojë e të kushtëzojë dy partitë e mëdha malaziase e serbe për të fituar vetë postin e kryeministrit, kurse në anën tjetër Ali Ahmetit të BDI-së i mungon kjo aftësi politike për të bërë këso lojëra koalicionuese me partitë më të mëdha politike maqedonase LSDM e VMRO. Themi kështu për shkak se situata kushtëzuese pas zgjedhjeve parlamentare në RMV e në Mal të Zi ishte në favor të dy personave politikë, Ali Ahmeti gjatë fushatës së zgjedhjeve parlamentare shkoi me moton "Për kryeministër shqiptar" pas zgjedhjeve kur qeveria e re e RMV-së varej prej BDI-së, Ali Ahmeti lëshoi pe për disa dikastere ministrore e nuk e kushtëzoi LSDM-në me kryeministrin shqiptar e duke u pajtuar për një kryeministër që do jetë i pavlefshëm gjatë 100 ditëve të fundit të qeverisjes, në anën tjetër, Dritan Abazoviqi, me një forcë të vogël deputetësh në parlamentin e Malit të Zi me idetë e tij të mençura politike detyroi Gjukanoviçin që deputetët e tij të votojnë për Abazoviqin për t'u bërë kryeministër i Malit të Zi. Sipas lojërave politike del se Dritan Abazoviqi është politikani më i spikatur në trojet e banuara me shqiptarë”, përfundon Mehazi.
Kelmendi: Shqiptarët në Maqedoni duhet të bëhen bashkë për të fituar pushtetin
Lidhur me këtë edhe juristi Muhamet Kelmendi në një përgjigje për “Bota sot”, thotë se gjendja ndryshon mes të dyja vendeve.
Sipas tij, edhe pse në Maqedoni janë katër parti shqiptare, ato nuk po bëhen bashkë, por po bien dakord me pozita të dyta, andaj atje janë vetëm stilizues.
“Gjendja në Maqedoni ndryshon nga gjendja në Mal të Zi. Këtu kemi dy parti të mëdha. Njëra është malazeze dhe partia tjetër është serbe. Partia e Gjukanoviçit pa partinë "Ura" të Abazoviçit nuk mund ta ndërtojë qeverinë. Këtej u krijua Qeveria e Abazoviçit, duke përkrahur partia e Gjukonoviçit, si Qeveri minoritare. Në Maqedoni janë dy parti maqedone, të cilat janë shumë të forta dhe kemi katër parti shqiptare të ndara dhe të përçara në mes veti. Kjo ndarje e partive shqiptare është e rëndë dhe po mundëson që cilado parti maqedone, qoftë ajo "Socialdemokrate", apo "VMRO", të jenë parti të para dhe ato ta ndërtojnë qeverinë. Shqiptarët janë këtu stilizues. Në anën tjetër, partitë shqiptare nuk po bëhen bashkë dhe po pajtohen me pozitat e dyta, tek dy partitë maqedone. Kjo mund të ndryshojë”, thotë ai.
Në fund thotë që, atje partitë shqiptare duhet të bashkohen në një koalicion, të flasin në një zë dhe të mos futen në një koalicion me ndonjë nga partitë maqedone pa e marrë pozitën e kryeministrit në shtet.
Ai thotë se koha është për veprim dhe me një qëndrueshmëri, arrihet që edhe në Maqedoni të kemi një kryeministër shqiptar.
“Së pari, kërkohet bashkimi politik në koalicion të partive shqiptare. Së dyti, duhet që partitë e tilla të flasin me një zë dhe si një subjekt politik, edhe pse janë katër parti politike. Së treti, nuk duhet kurrsesi të futen në koalicion me asnjërën parti politike maqedone pa e marrë pozitën e kryeministrit në shtet. Kuptohet se partitë maqedone mund të ndërtojnë vet qeverinë, pa shqiptarë. Mirëpo, kjo nuk është në frymën e Marrëveshjes së Ohrit dhe një qeveri e tillë nuk do të jetë funksionale. Ka mundësi që edhe jashtë vendit mos ta pranojnë qeverinë. Presioni do të jetë i madh. Ai do të jetë nga jashtë dhe nga brenda. Por, me një qëndrueshmëri, arrihet që edhe në Maqedoni të kemi një kryeministër shqiptarë. Koha është për veprim. Dhe veprimi duhet të fillojë tek vet shqiptarët”, përfundon Kelmendi.