Shprehja e nevojës për reformë në drejtësi ka të bëjë me faktin se vetë sistemi shoqëror në Kosovë, këto viteve të pasluftës dhe që nga koha që kur u miratua Kushtetuta e Republikës, ka njohur zhvillime të dukshme, zhvillime të cilat kanë nevojë të mbështeten nga reforma të vazhdueshme edhe të sistemit të drejtësisë.
Dinamika e zhvillimit të shoqërisë në të gjitha aspektet e kryesisht në në aspektin ekonomik dhe shoqëror, si dhe problematikat e shfaqura brenda sistemit kanë sjellë si prioritet emergjent, nevojën për përshtatje të legjislacionit të institucioneve kryesore të sistemit të drejtësisë me pritshmërinë e shoqërisë në Kosovë.
Bëhet fjalë për elemente të tilla që ndikojnë në rritjen e integritetit të sistemit, në pavarësinë, efiçencën, besueshmërinë, transparencën, llogaridhënien dhe përgjegjshmërinë e tij. Ndërkohë të gjitha këto kanë ndodhur, ndryshimet në legjislacione janë bërë, por perceptimi dhe besimi i qytetarëve për funksionimin e sistemit të drejtësisë dhe performancës së aktorëve institucionalë, por jo vetëm, të këtij sistemi ka kapur nivele gjithmonë e më të ulta vitet e fundit.
(Tekstin e plotë mund ta lexoni të Premten në publikimin e shtypur të gazetës kombëtare “Bota sot”)