Komisioni Qendror i Zgjedhjeve (KQZ), ka publikuar dje rezultatet përfundimtare të zgjedhjeve parlamentare që u mbajtën më 11 qershor.
Nga emrat e shumë politikanëve që mbetën jashtë legjislaturës së gjashtë të Kuvendit, është edhe kryetari i Listës Serbe, Slavko Simiq.
Sipas rezultateve të KQZ-së, Simiq i cili ishte prijës i listës në zgjedhjet e fundit, nuk ka arritur të marr vota të mjaftueshme. Atë e kanë votuar vetëm 12 mijë e 51 votues, e që nuk mjaftuan të marr mandatin.
Pas numërimit të votave, KQZ ka bërë të ditur se Listën Serbe në këtë legjislaturën do ta përfaqësojnë nëntë deputet. Më i votuari i kësaj liste është Sasa Milosavljevic me 13 mijë e 705 vota.
