Mos bërja publike e kontratës së Qeverisë së Kosovës me kompaninë “Countour Global” për ndërtimin e Termocentralit “Kosova e Re”, ngrit dyshime për keqpërdorime të mundshme nga ana e ekzekutivit.
Kjo marrëveshje është nënshkruar me 22 dhjetor të vitit që e lamë pas. Por, kontrata nuk është bërë e qasshme ende, përkundër deklaratave të ekzekutivit se ajo do të bëhej publike para vitit të ri.
Nga Zyrën e Kryeministrit kanë bërë të ditur për “Bota sot” se publikimi i saj është çështje krejtësisht teknike dhe çështje ditësh kur pritet të publikohet.
Një gjë të tillë e kanë pohuar edhe në Ministrinë për Zhvillimin Ekonomik.
“Kontrata për ndërtimin e TC Kosova e Re së shpejti do të jetë publike dhe e qasshme për të gjitha palët. Ne, do ju njoftojmë me kohë për çdo gjë lidhur me publikimin e kontratës. Në momentin kur përfundojnë disa çështje të vogla teknike, kontrata do të jetë e gatshme për publikim!”, ka thënë për “Bota sot”, Fitore Ajeti Këshilltare për Media në Ministrinë e Zhvillimit Ekonomik.
Nga ana tjetër, deputetë të partive opozitare dhe përfaqësues të shoqërisë civile thonë se vonesat në mos publikimin e kësaj kontrate është e panevojshme.
Madje, ata hedhin dyshime për afera korruptive.
(Tekstin e plotë mund ta lexoni të Enjten në publikimin e shtypur të gazetës kombëtare “Bota sot”)