Në raportin e progresit të Komisionit Evropian është kërkuar nga Kosova që të ketë bashkëpunim me vendet e Ballkanit Perëndimor sepse “ky bashkëpunim mund të ndihmon në luftimin e kërcënimit nga terrorizmi”.
Po ashtu, në këtë raport thuhet se përkundër përpjekjeve të autoriteteve në Kosovës, vendi po vazhdon të ballafaqohen me sfidat e ekstremizmit dhe radikalizmit të dhunshëm.
Politologu, Mentor Tahiri ka thënë se Kosova duhet që t`i përcjell “rregullat” perëndimore dhe se rajoni duhet të jetë i hapur rreth luftimit të ekstremizmit.
“Jo vetëm Kosova por edhe përgjithësisht rajoni duhet të jetë më i hapur në bashkëpunimin e ndërsjellë sa i përket luftimit të ekstremizmit. Se çfarë nënkuptohet me ekstremizëm, kjo gjithashtu mund të jetë një çështje e ndërlikuar, por Kosova duhet të përcjell “rregullat” perëndimore”, ka deklaruar Tahiri.
Ai ka përmendur rastin e depërtimit të gjatë turqve, ku ka thënë se me këtë rast është parë nevoja për sinkronizim e rregullave.
“Në rastin e deportimit të shtetasve turq, u pa se megjithatë ka nevojë për një sinkronizim me këto “rregulla”, përndryshe krijohet një situatë e pakontrollueshme. Në anën tjetër, i takon edhe Politikës së Jashtme të Kosovës dhe jo thjeshtë agjencive të ngarkuara për luftimit e ekstremizmit, që të jetë më koncize në prezantimin e pozicionit të Kosovës në kuadër të sigurisë ndërkombëtare”, ka përfunduar Tahiri për “Bota sot”.