Presidentit të Kosovës, Hashim Thaçi nuk iu organizua pritja shtetërore ashtu siç iu organizua kryesuesit e Kryesisë së Bosnjë e Hercegovinës, Bakir Izetbegoviq. Madje nga takimi Thaçi e Merkel nuk u pa as Garda ceremoniale ushtarake siç u pa në takimin Izetbegoviq Merkel.
Duke folur rreth kësaj çështje deputetja e Kuvendit të Kosovës nga radhët e Vetëvendosjes, Drita Millaku, ka thënë për “Bota sot”, se Kosova me momentin e zgjedhjes së Thaçit për President të Kosovës e ka lënduar rëndë imazhin e shtetit.
Sipas saj, Kosova është nën vëzhgim permanent dhe të gjitha veprimet politike kanë mesazh për Bashkësinë Ndërkombëtare.
Ajo ka thënë se Hashim Thaçi është profili i politikanit skandaloz i cili ka arritur që të prodhoj efekte negative për Kosovën me zgjedhjen e tij në këtë post.
“Gjermania është shtet serioz dhe i fuqishëm, andaj Merkel e ftoi Thaçin për respekt ndaj shqiptarëve të Kosovës, por nuk e priti më ceremoninë shtetërore për t’i dhënë atij dhe neve mesazhin se nuk ka më respekt për të korruptuarit dhe për persona banal politik qysh është Hashim Thaçi”, është shprehur deputetja e Kuvendit të Kosovës nga radhët e VV-së, Drita Millaku.
