“Nëse shqiptarët, para së gjithash ata në Kosovë, nuk reagojnë shpejt e në mënyrë të vendosur, koalicioni antishqiptar në pesëkëndëshin Moskë-Beograd-Tiranë-Prishinë-Paris, me përfaqësuesit e tij, Putin-Vuçiq-Rama-Thaçi-Macron, do ta zhbëjë Kosovën, do ta tjetërsojë territorin e saj, do ta zhdukë nga harta politike shtetin e Kosovës dhe do ta kthejë atë në një krahinë autonome, ndoshta formalisht të Tiranës e praktikisht të dominuar nga politika e Serbisë. Bashkëkombës të mijë, mos thoni se nuk e kemi ditur këtë skemë të rrezikshme për ekzistencën tonë. O sot, o kurrë”, thotë Prof. dr Enver Bytyçi për gazetën “Bota sot”.
Presidenti i Kosovës Hashim Thaçi, i cili po qëndron në Paris, është takuar edhe me presidentin e Rusisë, Vladimir Putin.
Derisa presidenti Thaçi po e quan si një takim për normalizimin e marrëdhënieve ndërmjet Kosovës e Serbisë dhe mundësin e arritjes së marrëveshjes gjithëpërfshirëse ligjore dhe obliguese, nga ana tjetër në Kosovë ky takim është komentuar në mënyra të ndryshme nga opozita dhe shoqëria civile.
Shoqëria civile konsideron se pas këtij dorë-shtrëngimi është shpaluar gjithçka se për kë punon dhe kujt i shërben kreu i shtetit të Kosovës.
(Tekstin e plotë mund ta lexoni të Martën në publikimin e shtypur të gazetës kombëtare “Bota sot”)
