Kandidati për kryetar të Prishtinës nga LDK-ja, Arban Abrashi ka prezantuar të shtunën platformën për Arsim, Sport e Kulturë.
Ai ka shkruar në Facebook se ndërtimi i shkollave dhe infrastrukturës shkollore, qendra sportive rekreative dhe kthimi i identitetit kulturor të Prishtinës janë në listën e prioriteteve.
Postimi i plotë:
Në vazhdën e prezentimeve të veçanta, sot shpalosëm Platformën për Arsim, Sport e Kulturë.
Është me rëndësi vitale për qytetin, që të kthehet vëmendja në këto fusha, të cilat janë neglizhuar tërësisht gjatë katër vjetëve të fundit.
Ndërtimi i shkollave dhe infrastrukturës shkollore, qendra sportive rekreative dhe kthimi i identitetit kulturor të Prishtinës janë në listën e prioriteteve sapo të marr mandatin.