Pacolli sërish përmend zhvendosjen e kampusit universitar

Prishtina

Pacolli sërish përmend zhvendosjen e kampusit universitar

Më: 17 tetor 2017 Në ora: 11:52
Kandidati i AKR-së për kryetar të Prishtinës, Selim Pacolli

Kandidati i AKR-së për kryetar të Prishtinës, Selim Pacolli, ka paraqitur projektet e tij për Prishtinën. Ai tha se parashohin zhvendosjen e Universitetit të Prishtinës në lagjen Mat afër Pallatit të Drejtësisë.

Sipas tij pretendohet se kampusi të jetë atraktiv për studentë dhe siç tha Pacolli është paraparë që në 200 mijë metra katrorë t’iu ofrohet studentëve kampus të dinjitetshëm. 

“Kjo është bërë në konsultim me kompanitë më të mëdha arkitektonike. Kampusi në vetë ngërthen në veti të gjitha fakultetet dhe qendrat e tjera rekreative. Prishtina sot ka nevojë për vendime të mëdha”, tha Pacolli. 

Sipas tij  për ndërtimin e këtij kampusi të ri universitar do të kushtonte 143 milionë euro. 

Pacolli tha se për të rinjtë e qytetin është paraparë edhe ndërtimi i stadiumit të Proshtinëd dhe një qendër e madhe koncertale që do t’iu   dedikohej artistëve te Kosovës. 

Po ashtu Pacolli tha se parasheh edhe ndërtimin e mbi 6 mijë vende. Ai ftoi qytetarët që të debatojnë për këtë prezantim të projektit të tij për Prishtinën.

Sot mund të lexoni Shfletoni kopertinat