Rreth 30 vetura me të rinj të AKR-së kanë parakaluar para selisë të këtij subjekti politik, me flamur dhe pankarta e duke i rënë borisë, kanë promovuar kandidatin e tyre për kryetar të Prishtinës, Selim Pacolli.
Ndërkaq kandidati i AKR-së për asamblist të komunës Jezuit Abazi, tha se ky organizim është vetëm një simbolikë për të treguar mbështetjen dhe mirënjohjen e rinisë së Prishtinës për kryetarin e ardhshëm të kryeqytetit, Selim Pacolli.
Ai tha se Pacolli ka projekte të mëdha për të rinjtë e kryeqytetit, ndërsa ftoi kryeqytetasit të votojnë numrin 34.
Abazi: Selim Pacolli ka projekte të mëdha për të rinjtë e Prishtinës Video "Ky organizim është në kuadër të të rinjve të AKR-së në Prishtinë, e cila simbolizon mbështetjen e pakursyer të rinisë për kandidatin tonë për Prishtinën, Selim Pacolli. Ne si forum rinor dhe si shtab i AKR-së kemi gjetur një mbështetje jashtëzakonisht të madhe nga kandidati për kryetar të Komunës, Selim Pacolli. Z.Pacolli ka paraqitur projekte të mëdha për rininë tonë dhe kjo është një simbolikë e vogël për fitoren e madhe që do ta arrijmë më 22 tetor", tha Pacolli.
Ndryshe, ka mbetur vetëm edhe një ditë para heshtjes zgjedhore, ndërsa zgjedhjet do të mbahen më 22 tetor.