Nënkryetari i sapoemëruar i Prishtinës, Selim Pacolli, e ka pranuar se me kryetarin e Komunës, Shpend Ahmeti, pos drejtorive, i kanë ndarë edhe pozitat në ndërmarrjet publike.
Pacolli nga Aleanca Kosova e Re ka thënë në RTV Dukagjini se me Ahmetin e Lëvizjes Vetëvendosje kanë marrëveshje që të qeverisin me drejtorinë e Investimeve Kapitale dhe drejtorinë e Bujqësisë.
Pos kësaj, ai ka thënë se kanë marrëveshje që ta drejtojnë edhe ndërmarrjen publike ‘Sport Marketing’, dhe të menaxhojnë me parqet e Prishtinës.
