Ismaili takon përfaqësuesit e Komunës së Prishtinës, përkrahet unanimisht iniciativa për Prishtinën e pastër

Prishtina

Ismaili takon përfaqësuesit e Komunës së Prishtinës, përkrahet unanimisht iniciativa për Prishtinën e pastër

Më: 3 maj 2018 Në ora: 18:30
Ismaili takon përfaqësuesit e Komunës së Prishtinës

Ministri Uran Ismaili ka folur për takimin me drejtorët dhe përfaqësuesit e të gjitha partive politike në Komunën e Prishtinës, e që sipas tij të gjithë njëzëri u pajtuan dhe përkrahën iniciativën për një Prishtinë më të pastër dhe më të jetueshme.

“Secili qytet ka dallimet dhe krenarinë e vet, por mbi të gjitha ai duhet të jetë i jetueshëm për qytetarët e saj.

Këtë e kemi obligim ta bëjmë ne si përgjegjës për qytetin– të gjithë – pa dallime partiake. Qyteti duhet të jetë një vend ku banorët e tij jetojnë dhe punojnë të parrezikuar nga ndotja e ambientit”, ka shkruar Ismaili në Facebook.

Ministri thekson se në këtë qëllim do t’i ndihmojnë edhe ekspertët e OBSH-së, ndërsa edhe Prishtina do të jetë pjesë e rrjetit të Qyteteve të Shëndetshme.

commentFirst article
Sot mund të lexoni Shfletoni kopertinat