Kryetari i komunës së Prishtinës Shpend Ahmeti ka sqaruar se Komuna e kryeqytetit nuk lëshon leje për fishekzjarre sepse nuk ka kompetencë.
Po ashtu, ai ka thënë se për mjete piroteknike "i kemi drejtuar tek MPB dhe policia sic e kërkon Ligji".
Sqarim i Ahmetit:
Komuna e Prishtinës nuk lëshon leje për fishekzjarre sepse nuk ka kompetencë. Po e bashkangjes edhe ligjin edhe lejen që e kemi lëshuar për koncertin.
Çdo vit ProCredit organizon koncertin e përvjetorit me artistë të njohur dhe çdo vit ne kemi lëshuar pëlqimin me kushtin që të marrin lejen e Universitetit te Prishtinës. Për mjete piroteknike i kemi drejtuar tek MPB dhe policia siç e kërkon Ligji.
Në Prishtinë, PCB ka financuar dy parqe të mëdha, në Dardani dhe Heroinat. Për këtë, i falënderojmë.
Edhe në këtë rast Prishtina do të ishte falënderuese nqs paratë e fishekzjarrëve do të mund të shpenzoheshin për mbjellje të drunjve shtesë.
I përkrahim iniciativat qytetare por do të ishte mirë që të niset një e përgjithshme për mjetet piroteknike. Mjafton të bëhet një hulumtim për importin e mjeteve dhe po ashtu për lejet që lëshohen për çdo javë. Dhe të krahasohen edhe me shtetet e tjera.
Por, nuk mund ti kuptoj shpifjet e ish kolegëve të mi që çdo ngjarje mundohen me keqpërdor për sulme. Vitin e kaluar kanë qenë 3000 kg në evenimentin e njëjtë ku edhe kanë qenë nëpër drejtori dhe nuk ka pas asnjë reagim. Sivjet për 1000 kg nuk lanë fjalë pa shpif.