Policia e Kosovës ka dhënë detaje për aksidentin e ndodhur dje rreth orës 16:00, në rrugën “B” në Prishtinë, me ç’rast një këmbësore ka vdekur.
Shoferi i automjetit BMW, L. M, mashkull 20 vjeç, është arrestuar dhe me urdhër të Prokurorit të shtetit, i është shqiptuar masa e ndalimit prej 48 orësh.
Në këtë aksident kanë qenë të përfshirë një automjet i tipit BMW dhe dy këmbësore.
Si pasojë e këtij aksidenti lëndime të rënda trupore kanë pësuar këmbësoret, F.R, femër 23 vjeç, shtetase e Kosovës dhe L.A, femër 30 vjeç, po ashtu shtetase e Kosovës.
Trupi i viktimës L. A. është dërguar në Institutin e mjekësisë Ligjore për obduksion.