Sot me një ceremoni fetare do të përurohen punimet në ringritjen e Teqesë së Madhe Ballkanike në Prizren.
Teqja në Marash-Hisar, që është konsideruar njëri ndër objektet më të bukura të arkitekturës sakrale në Ballkan, është rrënuar nga regjimi sllavo-komunist, pas ekzekutimit të Heroit Kombëtar, Musa Shehzade, në Ditën e Flamurit Kombëtar, më 28 Nëntor të vitit 1945, që është pasuar me konfiskimin e të gjithë pasurisë së heroit, për shkak të veprimtarisë së tij atdhetare dhe rolit ndër shekuj, të këtij institucioni, në kuadër të lëvizjeve për liri, pavarësi dhe bashkim kombëtar.