Parku i Biznesit në Prizren nuk është finalizuar

Prizreni

Parku i Biznesit në Prizren nuk është finalizuar

Më: 16 tetor 2018 Në ora: 14:33
Pamje nga takimi

Ministri i Zhvillimit Ekonomik, Valdrin Lluka, ka pritur në takim pune kryetarin e Prizrenit, Mytaher Haskuka. Ky i fundit kërkoi mbështetje nga ministri Lluka për realizimin e projektit të Parkut të Biznesit, i cili ende nuk është finalizuar si shkak i procedurave administrative.

Me këtë rast, kreu i MZHE-së tha se do të angazhohet personalisht në përshpejtimin e procedurave administrative që ky park të jetësohet sa më parë.

Ai ka siguruar kreun e komunës, se Prizreni do të jetë pjesë e projekteve strategjike zhvillimore të cilat do të ndikojnë direkt në mirëqenien e qytetarëve të Prizrenit.

Sipas një komunikate të MZhE-së, Lluka dhe Haskuka kanë diskutuar për projektet që lidhen drejtpërdrejt me shërbimet për qytetarët si ai për trajtimin e mbeturinave, përmirësimin e furnizimit me ujë të pijes, trajtimin e ujrave të zeza, ngrohtoren e qytetit, parkun e Biznesit dhe parkun për Inovacion dhe Trajnime.

“Ne po punojmë intenzivisht që të mbulojmë me ngrohtore qendrore qytetin e Prizrenit. Kjo jo vetëm që përmirëson ajrin dhe stabilitetin energjetik në komunën tuaj, por dukshëm përmirëson kualitetin e jetës për qytetarët e Prizrenit. Kemi në fokus përmirësimin e rrjetit të ujësjellësit në të gjitha fshatrat e komnuës suaj si dhe realizimin e projektit për trajtimin e ujërave të zeza”, njoftoi ministri Lluka.

Ministri Lluka i ka ofruar mbështetje për projektet strategjike të komunës, siç është ai për zonën ekonomike të Prizrenit.

Haskuka, kërkoi mbështetje nga ministri Lluka për realizimin e projektit të Parkut të Biznesit.

“Për komunën tonë është jetike funksionalizimi i projekt për krijimin e Parkut të Biznesit, i cili ende nuk është finalizuar si shkak i procedurave administrative”, tha Haskuka.

 Me këtë rast, kreu i MZHE-së tha se do të angazhohet personalisht në përshpejtimin e procedurave administrative që ky park të jetësohet sa më parë.

Gjithashtu, Lluka foli edhe për qendrën e Inovacionit duke ofruar përkrahje në realizimin e këtij projekti, ku do të kenë qasje të rinjtë për të zhvilluar shkathtësitë inovative.

“Kjo qendër ka për qëllim ndërtimin e kapaciteteve njerëzore duke trajnuar dhe promovuar punën e të rinjëve brenda dhe jashtë Kosovës, si dhe krijimin e hapësirës për zhvilluar shkathtësitë inovative, duke krijuar vende pune për të rinjtë” tha Lluka

Kryetari i Komunës së Prizrenit, Mytaher Haskuka falënderoi Ministrin Lluka për mbështetje në realizimin e projekteve që do të ndikojnë drejtpërsëdrejti në jetën e qytetarëve.

commentFirst article
Më të lexuarat
Sot mund të lexoni Shfletoni kopertinat