Qendra e Studenteve të Universitetit të Prishtinës që shtrihet në pjesën juglindore të qytetit të Prishtinës, në një sipërfaqe prej dhjetë hektarë tokë, në mesin e të cilës janë të vendosura shtatë objekte moderne të konvikteve dhe i teti me një kapacitet prej treqind e pesë shtretër i cili do të përurohet në fund të këtij muaji. Përgatitjet për pranimin e katër mijë studenteve të rinj, përurim, renovimet, zgjerimi, sigurimi i inventarit, sukseset, vështirësitë, planet dhe shumë çështje të tjera që u kryen dhe do të kryhen në qytezën Studentore këto ditë ishin temat rreth të cilave e zhvilluam një bisedë me drejtorin e vyeshëm Fatmir Svishtën.
Me përfundimin e vitit të kaluara shkollor - duke filluar nga muaji korrik i këtij viti ne me seriozitetin ma të madh filluam përgatitjet e nevojshme në shtatë objekteve të konvikteve për përgatitjen e tyre sa ma mirë për vendosjen e studenteve në vitin e ri akademik 2017/218. Projektin parë- na tha në fillim të bisedës drejtori Svishta e filluam dhe e përfunduam me sukses në renovimin e tërësishme të bamjeve dhe nyejve sanitare të konvikteve numër pestë dhe numër një. Konvikti numër pesë është objekti me i madh që në gjirin e Qendrës Studentore i cili i ka mbi tetëqind shtretër- ku ka me së shumti nyje sanitare, ku me sukses u kryen të gjitha punët rreth renovimi të tërësishëm dhe ndërrimi i të gjitha pasjeve sanitare. Ky investim ka kushtua 220 mijë euro.
Gjithashtu këto ditë vere është bërë komplet gëlqerosja e brendshme e objekteve të konvikteve numër dy, katër dhe gjashtë. Këto ditë janë në përfundim punët në ngjyrosja e rrethojave të metalta në kompleksin e Qendrës së Studenteve në një sipërfaqe tokësore prej dhjete hektarësh. Me suksese u krye punët rreth gëlqerosjes të jashtëm të Palestrës Sportive “Një Tetori” në kompleksin e Qendrës së Studenteve.
Gjithashtu gjirin e këtij kompleksi janë në përfundim e sipër punët në ndërtimin e portës hyrëse e bukur dhe funksionale për syrin e çdo studenti dhe vizitori dhe mysafiri - për ndërtimin e të cilës do të investohen njëzet e tetë mijtë euro. Investime janë krye edhe në objektin e mezes së studenteve në ventilim dhe sigurimin e pasjeve tjera për përgatitjen e ushqimit sa me cilësor për çdo student. Nga biseda që zhvilluam me drejtorin e Qendrës Studentore Svishten mësuam gjithashtu së në shtatë objektet e konvikteve gjatë kësaj jave është duke u bërë vendosja e gjashtëqind e nëntëdhjetë e pesë studenteve gjë që mirë shihet në foto numër dy - e cila gjë do të kryhet deri në fund të kësaj jave, kurse treqind e pesë studentet tjerë do të vendosen deri në fund të këtij muaji.
Të gjithë shtretërit e dhomave të shtatë objekteve të konvikteve të Universitetit të Prishtinës janë të pajisura komplet me shtrojë dhe mbulojë të reja. Të gjitha këto projekte që janë bërë dhe po bëhen këto ditë është bërë na tha drejtori Svishta, - me qellim që banorëve të rinj në objektet e konvikteve me në fund t’u krijomë kushte të cilat i kërkojnë normat ndërkombëtare më bashkëkohore të banimit. Pra, si risi në Qendrën Studentore në këtë vit të ri shkollor akademik do të jetë ngritja e cilësisë së të gjitha shërbimeve, si në pastërti, rritjen e sigurisë për çdo student veç e veç, cilësisë së ushqimit dhe të gjitha shërbimeve të tjera...
Përurohet objekti i konviktit numër tetë me një kapacitet prej njëqind e pesëdhjetë dhoma dhe treqind e pesë shtretër
Ministria e Arsimit të Kosovës dhe strukturat udhëheqëse të Qendrës së Studenteve në krye me drejtorin e vyeshëm Fatmir Svishten, duke parë kërkesat e mëdha të studenteve për vendosje në konvikte, vitet e kaluar i lejuan një milion e gjysme euro mjete financiare për ndërtimin e objektit të ri dhe moderne i cili po shihet në fotografin tonë numër tetë në kuadër të kompleksit të Qendrës së Studenteve në Prishtinë- punët e të cilit, sipas parashikimeve, pritet të përfundojnë në fund të këtij muaji – kur edhe do të behet përurimi dhe vendosja e studenteve. Objekti i ri dhe modern të konviktit numër tetë në gjirin e vet i ka njëqind e pesëdhjetë dhoma me treqind e pesë shtretër. Për ndërtimin e këtij objekti dhe kompletimin me inventar me bashkëkohor do të investohen mbi një milion e gjysme euro. Përurimi i këtij objekti, do të behët në ditët e fundit të këtij muaji i cili me përurimin e tij, do të mundësojë zbutjen e kërkesave për banim të studenteve nga anët e ndryshme të Kosovës dhe viset tjera.
Për kryerjen e të gjitha lëtyre projekteve në shtatë objektet e konvikteve u investuan mbi gjashtëqind mijë euro. Çdo student për strehim gjatë këtij viti akademik do të paguajë njëzet euro për strehim dhe pesëmbëdhjete euro për ushqim apo gjithsejtë tridhjetë e pesë euro. Studentet të cilët do të vendosen në tetë objektet moderne dhe të pajisura mire gjatë këtij vitit akademik studentor do të kenë në dispozicion dy salla të bibliotekave me treqind pesëdhjetë ulëse për lexim dhe studim. Të tetë objektet e konvikteve për student kanë të siguruara sallat për studimeve me vende të mjaftueshme për ulje dhe sallat për përcjelljen e programeve televizive kabllore, fusha sportive të volejbollit në të tetë objektet e konvikteve, sallën e internetit me kompjuterë. Në kuadër të kompleksi të konvikteve ekziston salla e internetit të pajisura me aparate kompjuterike.
Një ndër problemet që gjatë vjetët të fundit që i ka munduar strukturat udhëheqëse të Qendrës së Studenteve dhe studentet e vendosur në konvikte ishte çështja e mbrojtjes shëndetësore të tyre dhe personelit shërbyes. Por, me në fund Qendra Studentore dhe katërmijë student do ta kenë mjekun dhe personelin e nevojshëm shëndetësor. Në kuadër të objektit të Mensës së Studentëve gjithashtu janë të vendosura shërbimet postare, bankare dhe shërbimeve të tjera studentore të cilat me së miri shihet në foton tonë numër njëmbëdhjetë për të cilat studentet nuk kanë nevojë të bredhin poshtë e përpjetë qytetit për këto shërbime. Gjithashtu u informuam së sivjet në Qendrën Studentore do të punohet më shumë në ringjalljen e jetës kulturore, sportive dhe shumë aktiviteteve të tjera...