Për muskuj të fortë: Burimet më të mira të proteinave bimore

Shëndetësia

Për muskuj të fortë: Burimet më të mira të proteinave bimore

Më: 21 shkurt 2017 Në ora: 20:43
Ilustrim

Proteinat janë të nevojshme për kryerjen e shumë funksione të trupit, ndër të tjera për ndërtimin e muskujve.

Edhe pse produktet shtazore janë më të pasura me proteina, ka edhe në ushqime me prejardhje bimore, ndërsa këto që i paraqesim në këtë listë, janë kampionë të vërtetë të proteinave.

Kinoa

Kinoa (Chenopodium quinoa) është një burim i mirë i vitaminave dhe mineraleve të tilla si magnezi, kaliumi dhe fosfori. Megjithatë, ky pseudodrith është gjithashtu një burim i mirë i proteinave. Ndryshe nga burime të tjera të ngjashme të proteinave bimore, kinoa përmban të gjitha nëntë amino acidet esenciale.

Në njëqind gram të kinoa-s ka katër gram të proteinave dhe rreth 370 kalori. Nëse e merrni në vend të makaronave, orizit dhe bukës, ju do të bëni diçka të mirë për shëndetin tuaj.

Farat chia

Farat chia (Salvia hispanica) janë një burim i mirë i fibrave, hekurit, kalciumit, magnezit dhe zinkut, e përveç këtyre edhe i proteinave edhe acideve yndyrore omega 3.

Në dy lugë fara chia gjenden gati dhjetë gramë proteina, dhe mund të shtohen në pothuajse të gjitha gjellët.

Mbani në mend se fara bymehen në kontakt me lëngje dhe prandaj nuk duhet t’i hani të thata.

Më parë ato i zhytni për të paktën dhjetë minuta në ujë, qumësht, kos dhe pije të ngjashme.

Thjerrëzat

Thjerrëzat janë një bazë e rëndësishme e një diete vegjetariane. Konsumohen për mijëra vjet ndërsa organizmit i ofrojnë vitamina dhe minerale. Në njëqind gram të këtyre bimëve bishtajore janë nëntë gram proteina.

Leblebia

Leblebia, përveç proteinave ka shumë fibra, dhe në qoftë se për çdo ditë perfshini njëqind gram nga ky ushqim, mund të zvogëlomi nivelin e kolesterolit të keq në gjak.

Nga leblebia e cila ka 14 gram proteina në 100 gramë, ju mund të bëni përgatitje të shumta gjellërash dhe sallata, si dhe sosin tradicional në Lindjes të Mesme - humus.

Gjalpë kikiriki

Në njëqind gramë gjalpë kikiriki merrni deri ne 32 gramë proteina. Nëse doni që të përforconi vaktet e juaja me fruta dhe ushqime bimore me një ushqim të pasur me proteina, duhet që t'i ngjyeni në gjalpë kikiriki. Do të kënaqeni me shijen dhe gjithashtu të bëni diçka të mirë për trupin tuaj. Vetëm mos e teproni me sasinë dhe të jeni i sigurtë duke lexuar përmbajtjen kur bleni gjalpin e kikirikit, për të zgjedhur një me përmbajtje të ulët të sheqerit

Sot mund të lexoni Shfletoni kopertinat