Xhenxhefili është një super ushqim me aromë dhe shije specifike. Kjo erëzë përmban antioksidantë, vitamina, minerale dhe vajra esencialë që ndihmojnë trupin dhe mendjen.
Xhenxhefili po ashtu ka efekte anti-virusale, anti-bakteriale dhe anti-parazitore.
Një nga mënyrat më të mira për të konsumuar xhenxhefilin është të përdoret si çaj, pasi kështu ofron shumë benefite shëndetësore.
Disa përfitime të çajit të xhenxhefilit:
Forcon sistemin imunitar
Ndihmon tejkalimin më të lehtë të ftohjeve dhe gripeve
Qetëson stomakun
Redukton stresin
Përmirëson qarkullimin e gjakut
Qetëson dhimbjet e muskujve
Freskon erën e gojës
Ndihmon në humbjen e peshës
Ndihmon në parandalimin e sëmundjes së Alzhaimerit
Por si ta përgatisni çajin e xhenxhefilit?
Përbërësit:
1 copë xhenxhefili të freskët (2-3 cm të gjatë)
1 litër ujë
Disa lugë gjelle mjaltë
1 limon
Përgatitja:
Qërojeni xhenxhefilin dhe prejeni në feta të holla. Vendosini fetat e xhenxhefilit në një tenxhere dhe mbusheni me ujë. Ziejeni xhenxhefilin për të paktën 15-20 minuta në temperaturë të ulët.
Më pas, largojeni tenxheren nga zjarri dhe lëreni të qëndrojë kështu për 5 minuta. Kullojeni lëngun e xhenxhefilit të cilin mund ta ëmbëlsoni me mjaltë dhe limon (sipas dëshirës).
