Astronomët kanë zbuluar shenjat e yjeve të hershme, të formuara 180 milionë pas shpërthimit të madh.
Radio antena në Australi ka detektuar gjurmët e yjeve më të vjetra në botë.
Bëhet fjalë për yjet e lashta që kanë qenë aktive 180 milionë vjet pas Big Bang.
Gjetjet janë evidenca e parë e paraardhësve më të vjetër në pemën tonë familjare.
Ekspertët po ashtu kanë gjetur se universi ka qenë dy hercë më i ftohtë se sa është menduar më herët.
Ndërveprimi me materien e errët, një substancë për të cilën thuhet se përbën deri 27% të universit, mund të ketë luajtur rol në këtë të ftohtë.
Pas shpërthimit të madh, para rreth 14 miliardë vjetësh, elementi i vetëm në hapësirë ishte hidrogjeni, nga i cili u formuan yjet që filluan të prodhonin dritë.
Zbulimi është bërë duke analizuar rrezatimin kozmik.
Astronomi Judd Bowman nga Universiteti i Arizonës, autor i studimit, tha se gjetjet e këtij sinjali kanë hapur një dritare të re mbi universin e hershëm.
Peter Kurczynski nga Fondi i shkencave nacionale, tha se sinjali ishte shumë i vështirë për t’u detektuar.
“Është një sfidë e madhe teknike për detektim. Burimet e zhurmës mund të jenë 10.000 herë më të ndritshme se sa sinjali. Kjo i ngjason situatës kur je në tornado dhe mundoheni të dëgjoni flatrat e zogut”, tha ai.
Sinjali është detektuar në Observatoriumin e radio-astronomisë Murchison në Australi.