Dera e apartamentit të Kreshnik Mihjas, 29-vjeçarit nga Shkoza që iu vu tritol në orët e para të ditës së sotme është shkatërruar plotësisht pas shpërthimit.
Dëmtimet kanë marrë edhe dyert e apartamenteve të kateve të tjera.
Shpërthimi ka qenë shumë i fortë, aq sa është dëmtuar dera e hyrjes së pallatit dhe muret.
Banorët shprehen të tronditur dhe thonë se shpërthimi ka qenë shumë i fuqishëm dhe se ka dëmtuar disa banesa.
Policia e Tiranës ka nisur hetimet për ngjarjen. Burimet thonë se ende nuk kanë asnjë pistë se përse i është vënë tritoli banesës së Kreshnik Mihjas. Policia po punon për identifikimin e autorëve të ngjarjes dhe ka shoqëruar disa të dyshuar.