Arrestohen 4 persona në Shkodër, kontrabandonin mallra pa akcizë nga Mali i Zi - Bota Sot
Arrestohen 4 persona në Shkodër, kontrabandonin mallra pa akcizë nga Mali i Zi

Shkodra

E martë, 13 nëntor 2018

Arrestohen 4 persona në Shkodër, kontrabandonin mallra pa akcizë nga Mali i Zi

Më: 22 mars 2018 Në ora: 10:45
Ilustrim

Policia e Shkodrës ka finalizuar një operacion, ku në fund të tij ka arrestuar 4 persona.

Sipas njoftimit bëhet fjalë për kontrabandim të mallrave pa akcizë nga Mali i Zi.

 

Njoftimi i policisë

Ndalohen 4 shtetas për kontrabandë me mallra për të cilat paguhet akcizë

Sekuestrohen koli me cigare, rreth 15 mije euro, 7 telefona celularë dhe 3 automjete

Në datë 21.03.2018, specialistët e Sektorit Kundër Krimit Ekonomik e Financiar në Drejtorinë Vendore të Policisë Shkodër në bashkëpunim me Prokurorinë Pranë Gjykatës Shkallës Parë Shkodër, finalizuan me sukses operacionin policor ”Vijimësia”.

Si rezultat i ketij operacioni u bë ndalimi i shtetasve:

– Aleksandër Kontic, 54 vjeç, banues në Grilë, Boriç i Vogël, Malësi e Madhe, rezident ne Podgoricë, Mali i Zi.

– Edmond Gjolaj, 44 vjeç, banues në Bogiq Polvar, Malesi e Madhe.

– Ardian Okaj, 45 vjeç, banues në Lagjen Skënderbeg, Shkodër.

– Albert Hasanaj, 45 vjeç, banues në Kamicë, Malësi e Madhe.

Ata janë ndaluar pasi në bashkëpunim me njëri-tjetrin kanë organizuar kontrabandim të cigareve të markave të ndryshme nga Mali i Zi për në Shqipëri, duke importuar dhe transportuar në rrugë ilegale, jashtë pikave doganore kryesisht në zonën kufitare të Malësisë së Madhe, nga kufiri i gjelbër dhe me mjete lundruese nëpërmjet liqenit të Shkodrës.

Këto shtetas pasi i magazinonin në zonën e Malësisë së Madhe  i shpërndanin ato sipas porosive në tregun e brendshëm, duke i tregtuar te persona të tjerë në Shkodër dhe në qytetet e tjera të vendit, si Tiranë, Durrës, Lezhë.

Me cilësinë e provës materiale këtyre shtetasve ju janë sekuestruar:

90 koli dhe 29 steka cigare të markave të ndryshme
7 telefona celular
14.675 euro
3 automjete

Materialet iu referuan Prokurorisë së Rrethit Gjyqësor Shkodër për veprën penale të ”Kontrabandë me mallra për të cilat paguhet akcizë”, ”Pastrimi i produkteve të veprës penale ose veprimtarisë kriminale”, ”Mos deklarimi në kufi i të hollave dhe sendeve me vlerë” dhe ”Ruajtja ose depozitimi i mallrave kontrabandë”.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test