13 persona janë lënduar në 12 nga gjithsej 26 aksidente, gjatë tri ditëve të kaluara në rajonin e Shkupit.
“Nga 13 aksidente të regjistruara të premten, shtatë persona janë lënduar lehtë, ndërsa mbrëmë janë regjistruar shtatë aksidente, ku në katër prej tyre, 4 persona morën lëndime të lehta”, deklaroi inspektori Dragan Veljanovski.
Gjatë tri ditëve të kaluara, policia rrugore dënoi 5 vozitës, të cilët tejkaluan shpejtësinë e lejuar, 22 vozitën nën ndikimin e alkoolit, 4 kaluan në ngjyrën e kuqe të semaforit, ndërsa 16 nuk kishin vendosur rripin e sigurimit.
