Edicioni i dytë i manifestimit ‘Shkupi lexon’ sot në ora 17:00, do të mbahet në parkun përballë kalasë së Shkupit. Së pari do të lexojnë një grup studentësh, e më pas edhe poetë dhe shkrimtarë me renome të gjeneratave të ndryshme.
‘Shkupi lexon’ organizohet nga Qendra informatike kulturore-Shkup, shkrimtarja Lindita Ahmeti dhe Arlinda Baftiu, njofton AIM.
Qëllimi i ‘Shkupi lexon’ është të rritet vetëdija e qytetarëve për leximin dhe do të mund të dëgjojnë vargje kushtuar dashurisë dhe fateve njerëzore.
Ky manifestim mbahet për herë të dytë dhe është bërë tradicional.
