Këshilli i Qytetit të Shkupit sot do ta mbajë mbledhjen e parë konstitutive në përbërje të re pas zgjedhjeve lokale.
Këshilli së pari duhet t’i zgjedhë kryetarin dhe anëtarët e Komisionit për verifikim, çështje të mandateve, mirënjohjeve, parashtresave dhe ankesave të Këshillit të Qytetit të Shkupit, e më pas të verifikohen mandatet e këshilltarëve të Këshillit të Qytetit të Shkupit nga zgjedhjet lokale.
Pikë e mbledhjes konstitutive është edhe zgjedhja e kryetarit të Këshillit të Qytetit të Shkupit. Në Këshillin e ri të Qytetit të Shkupit, LSDM ka 21 anëtarë, VMRO-DPMNE 17, BDI 3, BESA dy, ndërkaq Aleanca për Shqiptarët dhe E Majta nga një.