Ndotja e ajrit në shkallë alarmante, qytetarët nuk i ndalin makinat

Shkupi

Ndotja e ajrit në shkallë alarmante, qytetarët nuk i ndalin makinat

Më: 7 janar 2018 Në ora: 16:37
Ilustrim

Festën e ndërrimit të mot-moteve dhe ditët e para të vitit 2018 qytetarët e Shkupit I përjetuan me ajër të ndotur.

Edhe përkundër nivelit të lartë të ndotjes së ajrit pjesa dërmuese e qytetarëve preferojnë të udhëtojnë me makinat e tyre duke lënë anash opsionin e transportit publik. Të njëjtin e përdorin më së shumti pensionistët dhe studentët.

Po, unë shëtis me autobus. Familja ime përdor veturat.

Shumë pak i përdorin autobusët, prapë dalin me vetura. Po unë e përdori autobusin, por sot kam dal me biçikletë, që të mos ndotet ajri ,dal me biçikletë por edhe autobusët I përdori.

Unë ec rregullisht me autobus, jam pensioniste.

Më shumë dalin me veturë se sa me autobusë.  Unë ec me autobus, edhe në punë shkoj me autobus, ndërroj nga dy autobusë- deklaroi- shprehen qytetarët e intervistuar.

Qytetarët që përdorin rregullisht transportin publik thonë se masa që u miratua nga Qeveria për përdorim më të madh të autobusëve në ditët kur ajri është më i ndotur keqpërdoret nga qytetarët që janë pa detyrime, duke u shkaktuar turmë dhe probleme atyre që punojnë.

Me masën e re që e kanë miratuar për periudhën e ndotjes, nuk përdorin autobusët ata që punojnë, por ata që rrinë në shtëpi- thotë një tjetër qytetar 

Nga data 27 dhjetor Qeveria kumtoi masat urgjente lidhur me ndotjen enorme të ajrit. Njoftuan se transporti publik do të jetë pa pagesë në ditët kur ajri i ndotur kalon nivelin e lejuar, por kjo masë zgjati vetëm një ditë. Nga Qyteti i Shkupit u vendos ndalimi i qarkullimit të makinave të mallrave, me qëllim që ajri të mos ndotet edhe më shumë, ndalesë kjo që do të vlejë deri më 31 mars të këtij viti.

Sot mund të lexoni Shfletoni kopertinat