Në lagjen Aerodrom të Shkupit, para banesës së tij është rrahur sot Branko Sinadinovski, një personalitet i njohur i shqiptarëve ortodoks të Maqedonisë, njofton Zhurnal.
Ende nuk është bërë e ditur arsyeja e rrahjes së tij, përveç asaj që raportohet se e njëjta ka ndodhur në mes të ditës.
Për Zhurnal nga Ministria e Punëve të Bredëshme (MPB) thonë se po punohet në zbardhjen e rastit, ndërsa vetë zëvendës ministry i MPB-së, Agim Nuhiu ka vizituar Sinadinovskin në shtëpinë e tij. Zhurnal ekskluzivisht një foto nga vizita zv/ministrit Nuhiu në shtëpinë e Sinadinovskit menjëherë pas rrahjes së tij.
Atij i është dhënë ndihma e parë mjekësore, ndërsa ekipet mjekësore po konstatojnë lëndimet e tij nga kjo rrahje.
Përndryshe, Sinadinovski është ligjëruesi universitar me prejardhje nga Beliçica e Rekës së Epërme nga rajoni i Mavrovës në Maqedoni, së fundmi doli publikisht dhe deklaroi prejardhjen e tij etnike. Ai është themelues i Bashkësisë fetare të shqiptarëve ortodoksë në Maqedoni. Sinadinovski është autor i disa librave.
