Kryetari i Partisë Demokratike, Lulzim Basha, ishte sot në një familje të Kamzës, të cilën shteti nuk po i jep zgjidhje për legalizimin. Kryefamiljari Gjergj Palucaj, thotë se edhe pse i ishtë premtuar që në 2013-ën që do t’i jepej legalizimi, ai ende dhe sot endet zyrave të shtetit për të marrë legalizimin, por që nuk po gjen zgjidhje.
Gjergj Palucaj: Jo, të pa legalizuar e kam. E kam ndërtuar para 25 vitesh, në 96-ën, edhe para 2006 aplikova për legalizim, çdo gjë në rregull, e kam me certifikatën pronësie tokën, ndërtimin. Më thirrin para tre vitesh në te telefon, në 2013-ën dolën me një pankartë para të gjithë popullit të Kamzës, deklaroi me përgjegjësi që do të bëjë legalizimet falas, për të gjithë shqiptarët, edhe me thёnё tё drejtën, tё jem i sinqertë, ja dhёnё votën nё 2013-ën se do ta bënte legalizimin. Prit s’ka! Mё thirri njё me emrin Edi, mё thotë, jam Edi te Aluizni thotë, hajde ka dalë emri pёr legalizim dhe u kënaqa, shkova gjithё qejf. Kur shkoj thotë nё rregull je, mё sill dhe njё herё letra e ja çova. Prit njё javë e prit njё muaj, prit njё javë e prit njё muaj, prit e prit, pastaj nё fund mё tha shko te dogana, ai se bёri.
LEXO EDHE:
‘Dhuna në Elbasan nga banda e Ramës’/ Bardhi: Policia asnjë arrestim, po e mbrojnë bandën
Ai gjithashtu thotë se edhe pse i ka shkruajtur kryeministrit, përsëri nuk ka gjetur asnjë zgjidhje. Të vetmet familje që e kanë marrë legalizimin, janë ato familje që kanë dhënë ryshfete deri në 4 mijë euro.
Gjergj Palucaj: I shkruajta Ramës. Ky ktheu përgjigje, tha shkruaji Shqipërisë që Duam. I shkruajta unë, i shkruajta herën e dytë kur më vjen një përgjigje se ku kanë humbur dokumentet, por sill dokumentet këtu thotë. I çoj unë me numër protokolli me vërtetimin e Aluizni-t që kam aplikuar me numër protokolli, me leje e me të gjitha. I çoj edhe certifikatën e pronësisë me e-mail ia çova prapë, s’më ktheu përgjigje asnjëherë. Kam bërë vetëm 6% të Rilindjes Kombëtare. Që i thotë ai Rilindje 65-shi edhe ka bërë ndonjë që ka paguar lekë. I pyes disa unë, thonë kanë paguar 5 mijë euro, 3 mijë euro, 4 mijë euro!
Për këtë problematikë që shtrihet në të gjithë vendin, Basha tha se legalizimet kanë qenë një nga gënjeshtrat më të mëdhaja të kësaj qeverie. Por kjo do të marrë fund pas 25 prillit, ku procesi me legalizimet do të përmbyllet, pasi sipas Bashës ky është një borxh i Partisë Demokratike ndaj qytetarëve.
Lulzim Basha: Tani i gjithë ky proces është kthyer në një proces korrupsioni. E para e punës ai i mashtroj shqiptarët, siç mashtroj me 300 mijë vendet e punës ashtu mashtroj edhe me legalizimet falas edhe me shëndetësinë falas. E dyta e punës, ai e ka përdor për të pasuruar dhe mbushë xhepat e administratës së korruptuar se kanë vajtur njerëz të korruptuar kudo. Ti po me thua që 6% i kanë marrë pjesa tjetër jo.
Pse? Sepse për të edhe çështja e legalizimit nuk është çështje e vuajtjes, e gjakut, e djersës, e mundit tuaj por është çështje e pushtetit të tij politik. Tani kemi një shans të bëhemi të gjithë bashkë në 25 prill. Dhe unë të garantoj që ai proces që e nisëm ne, do ta çojmë deri në fund. Po të garantoj ty dhe gjithë familjet, që kanë ngecur 8 vite se ai nuk e mbajti premtimet për legalizimet falas, që ne do ti përmbyllim e do ti japim rrugë, sepse e kemi borxh ndaj jush në radhë të parë që e lamë në dorë të tij dhe e kemi borxh të dyfishtë për të korrigjuar edhe për të çuar në vend të gjitha ato dështimet e këtyre 8 viteve.
Kështu që mos u mërzisni, këtë që po më thua e prek kudo, ka padurim të njerëzve. Më 25 prill bëhemi të gjithë bashkë për ndryshim edhe fitojmë edhe legalizimet, edhe ekonominë, edhe me shpresën e Zotit jo vetëm mos të largohen më fëmijët e shqiptarëve por të kenë mundësi edhe ata fëmijë që janë larguar, fëmijët tuaj që janë larguar t’ju krijojmë kushte të kthehen këtu me paga dinjitoze.
