Kreu i FRPD-së, njëkohësisht i deleguari i PD-së në disa zona të Tiranë, Belind Këlliçi ka denoncuar sot një skandal që po zhvillohet në Tiranë.
Sipas tij, drejtoreshë e Zyrës Vendore Arsimore Tiranë, Erjeta Allhysa e cila është edhe kandidate e PS-së për deputete, ka kërcënuar mësuesit.
‘Mblidhni vota në favor të PS ose suksese në jetë’, është mesazhi që Allhysa u ka dhënë mësuesve.
Denoncimi i plotë i Belind Këlliçit:
Erjeta Allhysa, ish deputete e PS dhe aktualisht drejtoreshë e Zyrës Vendore Arsimore Tiranë, ka mbledhur me urgjencë në Ndroq drejtorët e shkollave të qarkut Tiranë. ‘Mblidhni vota në favor të PS ose suksese në jetë’.
Erjeta Allhysa, mos u bëj kamikaze nga dëshpërimi! I mbyturi do ju marrë me vete.
Shkolla është vatër dijesh, jo qendër rekrutimi kamikazësh! Politika duhet t'i përulet shkollës dhe jo e kundërta.
Edhe 31 ditë dhe në shkollat tona do të valëvitet vetëm flamuri kombëtar!
Shkolla do të çlirohet nga edukimi i militantizmit dhe i heshtjes ndaj padrejtësive.
Modeli Allhysa thyhet më 25 prill!
