Krimi në familje ka goditur serish vendin tonë, këtë herë në Librazhd, ku burri ka vrarë gruan e tij me sëpate dhe me pas ka varur veten.
Ngjarja ka ndodhur në fshatin Dragostunjë, ndërsa mësohet se 56-vjeçari Qemal Bici ka qëlluar për vdekje gruan e tij, Menturie Bici 54 vjeçe.
Pas krimit, burri i ka dhënë fund jetës duke u vetëvarur.
“Në fshatin Dragostunjë, Librazhd, në banesë shtetasi Q.B., rreth 56 vjeç, në rrethana ende të paqarta dyshohet se ka vrarë me mjet të mprehtë ( sopatë) bashkëshorten e tij shtetasen M.B., rreth 53 vjeçe dhe më pas ka varur veten”, thote policia.
Nderkohe grupi hetimor nën drejtimin Prokurorisë ndodhet në vendgjarje dhe po punohet për zbardhjen dhe dokumentimin e plotë të rrethanave të ngjarjes.
Kujtojmë se nje dite me parë në Shkodër vellai vrau me arme motren e tij, e cila sapo ishte kthyer nga Gjermania.