Një 25-vjeçar ka mbetur i plagosur me armë zjarri ditën e sotme në Kuçovë.
Bëhet me dije se pas një koflikti të çastit shtetasi R. Gj., 29 vjeç, banues në lagjen “11 Shkurti”, ka qëlluar me armë zjarri pistoletë në dorë, shtetasin Xh. K., 25 vjeç.
25-vjeçari nodhet në spital jashtë rrezikur për jetën. Policia ka shpallur në kërkim 29 vjeçarin dhe po punohet për arrestimin e tij.
“Plagosi me armë zjarri një shtetas, gjatë një konflikti të çastit për motive të dobëta, identifikohet dhe shpallet në kërkim autori.
Nga specialistët e Seksionit për Krimet në Komisariatin e Policisë Kuçovë u shpall në kërkim shtetasi R. Gj., 29 vjeç, banues në lagjen “11 Shkurti”, Kuçovë, pasi në lagjen “11 Shkurti”, Kuçovë, gjatë një konflikti të çastit për motive të dobëta, ka plagosur me armë zjarri pistoletë në dorë, shtetasin Xh. K., 25 vjeç, i cili ndodhet jashtë rrezikut për jetën.
Materialet i kaluan Prokurorisë së Rrethit Gjyqësor Berat, për veprime të mëtejshme” njofton policia.
