Një 53-vjeçar i dënuar nga Gjykata e krimeve të Rënda në Tiranë për trafikim lëndësh narkotike është ekstraduar nga Greqia.
Një 53-vjeçar i dënuar nga Gjykata e krimeve të Rënda në Tiranë për trafikim lëndësh narkotike është ekstraduar nga Greqia.
Sipas policisë, Çim Brahimi, në bashkëpunim me shtetas të tjerë, furnizohej me lëndë narkotike në Lazarat për t’i trafikuar më pas drejt Italisë.
Interpol Athina ka njoftuar Interpol Tiranën se 53-vjeçari ndodhej në një burg grek, ku po vuante dënimin po ashtu për trafikim lëndësh narkotike.
Njoftimi i Interpol Tirana:
Ekstradohet nga Greqia, një shtetas i shpallur në kërkim ndërkombëtar për trafikim të lëndëve narkotike.
Nga ZQK Interpol Tirana është ekstraduar nga Greqia drejt vendit tonë, shtetasi shqiptar Ç. B., 53 vjeç, banues në Gjirokastër.
Ky shtetas ishte shpallur në kërkim në bazë të vendimit të Gjykatës së Krimeve të Rënda Tiranë, e cila në vitin 2017 i ka caktuar masën e sigurisë “Arrest në burg” për veprën penale “Trafikimi i lëndëve narkotike”. Ky shtetas, në bashkëpunim me shtetas të tjerë, bënte furnizimin me lëndë narkotike në Lazarat, me qëllim trafikimi drejt Italisë.
Në kuadër të bashkëpunimit dhe shkëmbimit të informacionit janë marrë informacione nga Interpol Athina, se ky shtetas po vuante dënimin në një burg në Greqi, për veprën penale “Trafikimi i lëndëve narkotike”, caktuar nga Gjykata e Janinës, me vendimin e datës 14.09.2018. Në përfundim të vuajtjes së dënimit u bë arrestimi provizor i shtetasit Ç. B., me qëllim ekstradimi drejt vendit tonë.
Si rezultat i bashkëpunimit të Interpol Tiranës me Interpol Athinën u bë i mundur ekstradimi i tij nga Greqia drejt vendit tonë.
