Një fëmijë 6-vjeçar është plagosur rëndë pasi është përplasur me makinë nga babai i tij. Ngjarja ndodhi mbrëmjen e së martës në lagjen nr. 6 të Korçës.
Policia tha se shtetasi R. K., duke drejtuar automjetin tip “Opel”, dyshohet se ka humbur kontrollin e mjetit dhe për pasojë ka aksidentuar djalin e tij të mitur 6-vjeçar, i cili aktualisht ndodhet në Spitalin e Korçës nën kujdesin intensiv të mjekëve.
Fëmija ka qenë me biçikletë dhe i ka prerë rrugën babait përpara banesës.
Për pasojë automjeti e ka marrë nga poshtë. I mituri ndodhet në gjendje të rëndë.
