“Përdorim shtetëror i tritolit, dhunës, presionit, shantazhit e mbylljes së mediave”- Tedi Blushi: Rama armik i fjalës së lirë!

Shqipëria

“Përdorim shtetëror i tritolit, dhunës, presionit, shantazhit e mbylljes së mediave”- Tedi Blushi: Rama armik i fjalës së lirë!

Më: 10 dhjetor 2022 Në ora: 12:09
Sekretari i Përgjithshëm i Partisë së Lirisë, Tedi Blushi

Sekretari i Përgjithshëm i Partisë së Lirisë, Tedi Blushi ka akuzuar kryeministrin Edi Rama se po vijon me sulmet e tij ndaj mediave dhe fjalës së lirë.

Duke iu referuar mbylljes së faqes së Facebook të medias ‘Syri’, Blushi e quan “një krim i shëmtuar kibernetik qeveritar” dhe kujton dhe shembjen e paligjshme me tritol të Prestige Resort si hakmarrje ndaj mediave që ka në pronësi biznesmeni Irfan Hysenbelliu.

“Përdorimi shtetëror i tritolit, dhunës, presionit, shantazhit, gjobave, censurës, “riedukimit” apo arrestimit të gazetarëve, sekuestrimit deri në mbylljen e plotë të mediave, dëshmojnë se ky regjim kriminal, hajdut dhe skizofrenik është armik i fjalës së lirë!”, shkruan Blushi.

REAGIMI I PLOTE

Mbyllja e faqes së medias opozitare www.syri.net në Facebook, ndër më të lexuarat, më të besueshmet dhe më seriozet në vend, është një krim i shëmtuar kibernetik qeveritar.

Kjo është vepër direkte e Edi Ramës, në vazhdën e urrejtjes patologjike dhe sulmeve permanente të tij ndaj lirisë së fjalës, pavarësisë së medias dhe çdo zëri kritik që nuk e ble dot.

Përdorimi shtetëror i tritolit, dhunës, presionit, shantazhit, gjobave, censurës, “riedukimit” apo arrestimit të gazetarëve, sekuestrimit deri në mbylljen e plotë të mediave, dëshmojnë se ky regjim kriminal, hajdut dhe skizofrenik është armik i fjalës së lirë!

Vetëm largimi i Edi Ramës dhe bandës së “Rilindjes” përmirëson lirinë e medias dhe garanton të drejtat e gazetarëve!

commentFirst article
Sot mund të lexoni Shfletoni kopertinat