Një aksident me pasoja të rënda është shënuar në orët e para të mëngjesit të sotëm (e shtunë) në Shqipëri, saktësisht te Shkëmbi i Kavajës.
Një automjet i drejtuar nga 18-vjeçari B.H. ka dalë nga rruga dhe është përplasur me ambientet e jashtme të një hoteli.
Për pasojë ka humbur jetën 50-vjeçari me iniciale B. B., punonjës pastrimi dhe gjelbërimi, i cili në momentin e përplasjes, ishte duke pastruar.
Nga aksidenti kanë mbetur të plagosura edhe dy vajza 20-vjeçare F. D., dhe L.P., të cilat kanë qenë pasagjere në automjet e të cilat ndodhën nën kujdesin e mjekëve.
Drejtuesi i automjetit, B. H. është shoqëruar në Komisariatin e Policisë, për veprime të mëtejshme.
