Dy persona kanë mbetur të plagosur nga shpërthimi i një bombule në Fier.
Ngjarja e rëndë ka ndodhur në Patos.
Bombula e gazit ka shpërthyer në banesën e Fatmir Saliaj në lagjen “Grizë Lënginas”, ndërsa dy të plagosurat Ylvie Saliaj dhe Daniela Shpërdheja janë dërguar në spitalin e Fierit për ndihmë mjekësore.
Fier/Informacion paraprak
Rreth orës 09:15, dyshohet se për shkak të rrjedhjes së gazit nga një bombul gatimi, ka rënë zjarr në banesën e shtetasit F. S., 69 vjeç, në lagjen “Grizë”, Patos.
Si pasojë, ka pësuar djegie trupore shtetasi F. S., shtetasja Y. S., 67 vjeçe dhe shtetasja D. Sh, 40 vjeçe, të cilët ndodhen në spital për ndihmë mjekësore.
Grupi hetimor ndodhet në vendngjarje dhe po punon për sqarimin e rrethanave të ngjarjes.
