Një sherr ka ndodhur në lagjen “Kala” në Elbasan, ku një 60-vjeçar është goditur me dorezë metalike nga një person.
Incidenti dyshohet se ka ndodhur për shkak të një konflikti të çastit, për motive të dobëta. Pasi 41-vjeçari E.I e ka gjuajtur me dorezë metalike të moshuarin M.K, është larguar menjëherë nga vendngjarja.
Policia po vijon kontrollet për kapjen e tij. Ndërsa 60-vjeçari ndodhet në spitalin e Elbasanit dhe është jashtë rrezikut për jetën.
Grupi hetimor vijon punën për sqarimin e plotë të rrethanave të këtij rasti.
