Në fshatin Polenë të Korçës është mbajtur këtë undjavë festa e Lakrorit. Banorë vendas, por edhe të huaj janë bërë bashkë për të shijuar ushqimin tradicional.
Lakrori me dy petë i pjekur në saç është një nga specialitetet më të njohura korçare. Te vish ne qytetin më të madh në juglindje të vendit dhe fshatrat turistikë të bashkisë së Korçës e ke te pamundur te mos provosh lakrorin me dy petë.
Për të ruajtur këtë traditë shumë vjeçare bashkia e Korçës prej shumë vitesh organizon në fshatin Polenë Festën e Lakrorit, edhe për të ruajtur traditën e këtij specialiteti. Antigoni Papajovani nga fshati Polenë siç thotë dhe vet ka një jetë të tërë që gatuan lakror me dy petë, aq të kërkuar nga turistët vendas e të huaj.
Ajo tregon se këtë specialitet e ka mësuar nga nena e saj dhe prej asaj kohe e deri më sot ajo vazhdon e gatuan lakror me qepë e domate, me presh e gjizë por ajo kërkon që këtë traditë ta transmetojë e tek brezat e tjerë.
Eli dhe Kristina janë vjehrrë e nuse, dhe këto nga fshati Polenë. Eli tregon se që kur nusja ka ardhur në shtëpinë e tyre ka mësuar të gatuajë lakror, madje jo në Polenë por në Greqi ku jetojnë si emigrantë.
Tradita e gatimit të Lakrorit të pjekur në saç transmetohet në çdo shtëpi polenake dhe jo vetëm te qarkut të Korçës. Anila thotë se traditën e gatimit të lakrorit do mundohet tja transmetojë dhe vajzës së saj Kristinës e cila deri tani nuk di të gatuajë.
Pjesë e festës së lakrorit me dy petë në fshatin Polene janë bërë dhe turistë vendas e të huaj. Njeri prej tyre është kolumbian, ndërkohë që një korçare të cilët kanë ardhur enkas për të shijuar këtë specialitet të kësaj zone.
Festa e Lakrorit është organizuar në qytetin e Korçës por prej disa vitesh është vendosur që festa të organizohet në fshatin Polenë, aty ku dhe tradita e këtij specialiteti është në shtëpinë e vet.
