Ditën e djeshme një pacient 77-vjeçar i cili po transportohej me një ambulancë të Vlorës drejt spitalit të Tiranës, ka humbur jetën si pasojë e një aksidenti.
Aksidenti ka ndodhur në aksin rrugor “Lushnjë-Fier”, ku ambulanca u përplas me një kamion dhe si pasojë i moshuari nuk arriti të mbijetonte.
Drejtuesi i ambulancës dhe drejtuesi i kamionit L. Gj., 31 vjeç dhe F. R., 54 vjeç, janë vënë në pranga për veprën penale “Shkelja e rregullave të qarkullimit rrugor”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
