Teksa Gjykata e Posaçme ka shpallur sot vendimet për dosjen e inceneratorit të Elbasanit, për Lefter Kokën dhe personat e tjerë të akuzuar, gazetari investigativ Artan Hoxha, në emisionin “Të Paekspozuarit”, u shpreh se me gjithë vendimin ka shumë paqartësi rreth saj.
Sipas tij ende nuk dimë se çfarë ka ndodhur saktë as se ku shkuan “thasët me lekë” dhe si është e mundur kjo të bëhet nga dy veta.
"Ne sot ende nuk e kemi të shpjeguar qartë se çfarë ka ndodhur saktë, si u vu në lëvizje i gjithë ky mekanizëm. Prokurori vet nuk e ka pasur të qartë këtë gjë, gjëja që kërkonin njerëz në këtë vendim, është se ku shkoj ky ‘thesi me lek’, ku u shkarkua.
Ende këtë moment jemi në këtë histori, që gjithë këtë gjë që ta kenë bërë vetëm Lefter Koka dhe Allqi Bllako dhe këta dy të tjerët, paskan qenë kaq të fuqishëm, prandaj këto dosjet me fraksion janë shumë interesant."
