Tirana po bëhet gati të mirëpresë një tjetër samit të rëndësishëm atë Ukrainë-Evropa Juglindore.
Parashikohet mbërritja e presidentit ukrainas Volodymy Zelensky në Shqipëri mbrëmje e të martës. Megjithatë ardhja e tij, varet ngushtësisht nga aspekte të sigurisë, si pasojë e agravimit të luftës atje gjatë 48 orëve të fundit.
Fillimisht parashikohet një takim në kryeministri mes kryeministrit Edi Rama dhe presidentit të Ukrainës. Më pas do t’i drejtohen pallatit të kongreseve nga ku në këtë tapet të kuq do të mbërrijnë në Samitin e organizuar nga Qeveria Shqiptare, 13 udhëheqës të 13 shteteve nga Europa Juglindore.
Pjesa e parë e samitit do të jetë e hapur nga kjo sallë për të vijuar me dyer të mbyllura e më pas konkluzionet do të jepen në një konferencë për shtyp.
Shqipëria e organizon këtë Samit në vazhdën e qëndrimeve të guximshme e të unifikuara në Këshillin e Sigurimit të OKB-s me Shtetet e Bashkuara të Amerikës. Samiti vjen si një tjetër mbështetje për Ukrainën dhe në të denoncuarin e agresion të paligjshëm Rus dhe krimet që ka sjellë ai.
Kosova do të përfaqësohet nga presidentja Vjosa Osmani. Ky samit shihet si një mundësi e mirë për intensifikimin e përpjekjeve në njohjen shtet të Kosovës nga Ukraina. Presidenti Turqisë Recep Tayyip Erdogan do t’i bashkohet samitit përmes një video-mesazhi nga Ankaraja.
