Seanca e radhës për ish-kryeministrin Sali Berisha, i cili kërkon ndryshim të masës së sigurisë, do të mbahet në 4 mars.
Gazetarja Anila Hoxha raporton se seanca pritet të nisë në orën 11:00.
Berisha ndodhet në arrest shtëpie që prej 30 dhjetorit të vitit 2023, pasi është i dyshuar për korrupsion në çështjen e privatizimit të ish-kompleksit sportiv Partizani.
Për herë të parë, ish-kryeministri Sali Berisha u paraqit në SPAK më 23 janar ku dhe iu përgjigj prokurorëve mbi dosjen Partizani. Mbrojtja gjithashtu këmbëngul për përjashtimin e gjyqtares Irena Gjoka, me arsyetimin se është në konflikt interesi me ish-kryeministrin.
