Gjykata e Lezhës ka dhënë “arrest në burg” për dy personat e arrestuar një ditë më parë për drogën e zbuluar në fshatit Kashnjet ndërsa për Armando Ndreca, vëllain e deputetit të PS Eduart Ndreca është lënë “detyrim paraqitje”.
Gjykata argumenton se për Ndrecën nuk ka prova që është përfshirë në këtë veprimtari kriminale.
Armel Nikdukaj dhe Elvis Shpellzai u arrestuan pasi kishin përshtatur një stan në pyjet e fshatit Kashnjet, për kultivim të bimëve narkotike, nëpërmjet llambave që furnizoheshin me lidhje të paligjshme të energjisë elektrike.
Si i dyshuar në këtë veprimtari, u ndalua edhe vëllai i deputetit Eduart Ndreca.