Në 13 shtator institucionet e arsimit do të hapin dyert për nxënësit për këtë vit shkollor.
Për të shmangur trafikun apo probleme me furnizimin me energji elektrike e ujë të pijshëm, Prefekti i Tiranës Sadi Vorpsi zhvilloi një takim me përfaqësuesit e këtyre institucioneve për të garantuar marrjen e masave të nevojshme.
Në qarkun Tiranë, shkolla 9-vjeçare në Domje ka probleme me furnizimin me ujë të pijshëm.
Shqetësimi u raportua nga drejtoria rajonale e arsimit.
Ndërsa policia e kryeqytetit garantoi marrjen e masave për sigurinë në shkolla dhe lehtësimin e trafikut në ditët e para.