Ka ndërruar jetë pasditen e sotme në moshën 49-vjeçare ish-deputeti i Partisë Demokratike, Gilman Bakalli. Mësohet se Bakalli vuante nga një leucemi akute.
Me gjithë ndërhyrjen e mjekëve Bakalli nuk ia doli të fitonte betejën me vdekjen, duke mbyllur sytë rreth orës 18:30.
Bakalli ishte diplomuar në gjeologji në universitetin “Luigj Gurakuqi” të Shkodrës. Ai shërbeu si deputet në Kuvendin e Shqipërisë në periudhën kohore 2005-2009. Së fundmi Gilman Bakalli ishte lektor i Komunikimit dhe Marrëdhënieve Publike në Universitetin Europian të Tiranës.